නොරැඳී මෙතන මෙහෙමම
ගලායන වග දැන නිසැකව
බැඳ පෙම් වේලි බාධා නොකරමි
ගලායන්නට නිසඟවම ඉඩ දෙමි
රජබරණ මිරිවැඩිද ලූ පයට
සුව දෙතත් සිහිලසක් කොයි වේද
මුදවමි සියල් ඉපැයු වත්කම්
මොහොතකට පමණි මේ පෙම්වත්කම්
දුර ඇඳෙන මුත් නඟ නඟා ගොස
ඔබය හද පිපි විදිලි එළි රැස
සඳ පහන් මුදු රැයෙක තව එක
නොදත්තා ලෙසට ඉමි ඔබ ළඟ
සියොලඟම නහවමින සිහිලසින්
පාව යන වනමලක් ගෙන සෙමින්
පුද නොහැක පළිඟු චූඩා ලෙසින්
පළඳවමි කෙහෙ ජලේ හද පෙමින්
No comments:
Post a Comment